Brokkoli

Opne bilete i eit nytt vindauge

CC BY-NC-SA

Bilete: Fredrik Solstad

Brokkoli består av fleire samansette stilkar som kvar har sine eigne blad og mørkegrøne blomsterknoppar. Han blir òg kalla aspargeskål fordi den milde, gode smaken minner om asparges. Brokkoli blir dyrka i Noreg.

Brokkoli blir nytta som tilbehøyr til middagsretter. Han er god til både kjøt- og fiskeretter. Brokkoli kan også kuttast i små bukettar og nyttast til wok eller gratinert med ost og skinke. Den nedste delen av stilken kan med fordel skrellast og delast på langs for å redusere koketida. Vi koker brokkoli i lettsalta vatn i 8–12 minutt. La vatnet renne av før du serverer.

Brokkoli skal vere fast i konsistensen og friskt grøn å sjå til. Han skal ha sprø, saftige stilkar og blad. Knoppane skal vere av jamn, grøn farge. Dei skal vere lukka og ikkje ha synlege gule blomstrar eller teikn på misfarging.

Brokkoli er rik på jern, A-vitamin og antioksidantar.

Sjå Matvaretabellen frå Mattilsynet for nærare opplysningar om næringsinnhaldet.