Tidlegkål (nykål)
Tidlegkål er ein av dei tidlegaste sortane på marknaden om våren, og han er ei svært attraktiv vare når han kjem.
Bruksområde
Tidlegkål blir nytta som annan kål og er nydeleg kokt eller smørdampa.
Kvalitetskrav
Tidlegkålen skal bestå av eit heilt og jamfarga hovud, utan sår eller flengjer. Blada skal vere flekkfrie, sprø og saftige og ha ein frisk farge. Stokken skal vere avskoren tett under bladfestet. Kålen skal vere fri for jord og insekt.
Næringsinnhald
Når det gjeld ernæring, kan tidlegkål samanliknast med Hovudkål. Begge kåltypane er kalorifattige og inneheld noko A-vitamin og ein god del C-vitamin. Vel 100 gram tidlegkål dekkjer dagsbehovet for C-vitamin.
Sjå Matvaretabellen frå Mattilsynet for nærare opplysningar om næringsinnhaldet.
Hugselappen
Norsk sesong:
mai–september
Med andre ord:
latin: Brassica oleracea var. capitata
engelsk: cabbage
tysk: Kohl
fransk: chou
Lagring:
0–2 °C. Tidlegkål har kortare haldbarheit enn vanleg hovudkål.