Regije
Regisööre teatere-vuasahtallemen åejvie. Dan dïedte scenan viehkie-vierhtieh veeljedh mah edtjieh vuasahtallemisnie nuhtjedh.
Scenografije
Scenografije lea guktie scena-tjiehtjele edtja årrodh. Scenografen dïedte scenam hammoedidh, guktie dam utnedh jïh guktie vuasahtallemen mietie jarkelidh. Scenografe edtja visuelle viehkie-vierhtieh nuhjtedh goh scenografije, vaarjoeh, tjoevkh jïh kulissh.
Tjoevke
Tjoevke edtja vuasahtallemasse sjïehtedh. Dïhte guhte tjoevkem stuvrie, maahta galme klaerieh nuhtjedh goh plaave, kruana jïh fiolette, jallh baahke klaerieh goh rööpes, viskes jïh oransje. Jeatjah vuekine tjoevkine barkedh aaj gååvnesieh, v.g. spot-tjoevke, laser-tjoevke.
Tjoeje
Tjoeje vihkeles viehkie-vierhtieh. Dovletje lij tjoeje dorjehtæjjaj gïelh, men daelie viehkie-vierhtieh gååvnesieh. Daelie teknihkerh maehtieh iemie-tjoejem jïh teknihke-tjoejem ektiedidh, guktie ållesth tjoeje-guvvine sjædta. Tjoejh jïh musihke mijjen domtesidie baajnehtieh.
Rekvisidth
Rekvisidth leah daeverh jallh aath mejtie råålla-gaagkoeh maehtieh vuasahtallemisnie utnedh. Rekvisitööre jïh scenografe ektesne berkieh jïh rekvisidtide scenese sjïehtedieh. Såemies aejkien rekvisidte aaj symbole.
Scena-vaarjoeh
Guktie dorjehtæjjah edtjieh gåårvedidh? Mij jaepie-boelhkide jallh tïjjide? Daaletje jallh dovletje? Vaarjoeh maehtieh dorjehtæjjan råålla-gaagkoem tjïelkebe vuesiehtidh.
Sminke
Sminke aaj viehkie-vierhtie gosse sminkööre edtja råålla-gaagkoem hammoedidh, v.g noere jallh båeries.
Karakterh jïh råållah
Dorjehtæjjaj göökte laavenjassh. Dah edtjieh råålla-gaagkoej domtesh jïh karakterem vuesiehtidh. Dorjehtæjjah tjuerieh kråahpe-gïelem jïh domtesh nuhtjedh.
Gaaltije
Brustad, M. (2018, 27. november). Teaterforestillinga. NDLA. https://ndla.no/article/16649