Dah guaktah håagkoejægan
Daelie lïerh
Soptsestidh håagkomen bïjre
orre baakoeh
göökten-taalen bïjre
Lohkh tekstem!
Åvla gonnoeh Pierh håagkoejægan
Jïh dle vuelkiejægan edtjijægan mïnnedh håagkodh. Gåabpegh håagkh-staavrine jïh maarhke-lihtine gïetesne. Goh don johken gåajkoe båetiejægan dle aelkiejægan håagkodh. Voestegh tjoerijægan maarhkem don håagkese bïejedh. Goh lægan dam dorjeme, dle dam håagkem don johkese don njåvvan slijrijægan. Dan njuvvie dennie johkesne, guktie dïhte sïejme vååjnoe dan varke dam njuvviem våålese vualka. Åvla struvkeste. Ijje, ij naan guelie. Domti goh mij dïhte desnie. Jïh dle viht dam sïejmem slijredh. Nimhtie Åvla gonnoeh Pierh naa guhkiem tjåadtjoejægan göölijægan. Ånnetji lægan bæjjese jïh aaj våålese dam johke-bealam vaedtsieminie. Piere lea johken mubpien bealan gaaleme.
Ij gåabpa naan gueliem åadtjoeh. Dellie vaedtsiejægan guktie båetiejægan don såemies håanghken gåajkoe. Dellie Piere damta guelie dabranamme. Jïh Åvla seamma laakan. Gåabpatjahkh struvkestægan.
Ella Holm Bull (1995, s. 90–91)