Litterære tekster
Laevie
Gustav Kappfjell lea diktem «Laevie» tjaaleme. Dikte lea gærjeste «Gaaltije» mij jaepien 1987 bæjhkoesovvi.
Bilde: Nasjonalbiblioteket / Offentlig eie
Måjhtah laevie goh limen onne
saedtie-åårkesne stååkedimnie
Smaave gearketjh lin monnen krievvie
sierkstahke monnen stoerre-boelte lij
Gaajhke biejjie gujht aavosne nåhki
goskh stoerre vaerien baahkoe yörhkedi
Bealloeh, aaltoeh jïh miesien kraaje
mujhtehti ahte iehkede lij
Annje vååjnedieh dah seammah sijjieh
gusnie maana-baelien stååkedamh leah
Njeeruve-goeblesne tjåenghkesne smaave gearketjh
pliehtje gierkijste geadtetjh tseagkan leah
Eah gujht vielie govleh maanaj skovhtjeh
mejtie govlimh gosse iehkede tjyöredi
Råavkedimnie libie goh miesien ietnie
Vaerie maanide gaerviehtamme lea
Saemien | Daaroen |
|---|---|
stååkedimnie, stååkedeminie | holder på å leke |
njeeruve-goeble | gressvold |
råavkedimnie, råavkedeminie | holde på å grynte |
stååkedamh, stååkedamme | har lekt |