Mov veasoe mov vaajmosne
Mov veasoe mov vaajmosne
mij mov aktine jåhta
mov luvnie vuelie jeala
desnie aaj maanaj praahkese
bealloeh skaenieh
bienjh huhtieh
soehpenje sjåvva
gåptoej lastoeh straptjoeh
saemiej niejti gaalsohkh
mojjehtese aejkede
mov veasoe mov vaajmosne
mij mov aktine jåhta
Datne dam daajrah vielle
datne guarkah åabpa
mohte maam edtjem ammesidie jiehtedh
dah gieh gaajhkene laehkesne laapestieh
guktie edtjem dej gyhtjelasside vaestiedidh
dah gieh jeatja eatnamisnie båetieh
Guktie edtja tjikestidh
gosse im gusnie gænnah årroeh
jalhts hov årroeminie
manne mån årroem daej guevteli jarngesne
jih datne mov seangkosne tjåadtjoeh
mov ohtjegåetie lea dej stråmhphstaahki duekesne
biejjie mov laamhpa
jaevrie lååvkemelihtie
Guktie tjilkestidh
mov vaajmoe lea mov veasoe
mij mov aktine jåhta
Guktie tjilkestidh
jijnjebh aaj desnie årroeh
viellh jih åabpah
Maam edtjem jiehtedh vielle
maam edtjem jiehtedh åabpa
Dah jis båetieh
gihtjieh gustie mov maadtoeh
buektieh paehperh
jih jiehtieh
ij lea daate giesie
daate lea Rijhken eatneme
gaajhke leah Rihken
Ohtsedieh jassijes solkeld gærjesne
jih soptsestieh
daate hov lea laake
mij datnem dijpie
Maam edtjem jiehtedh åabpa
maam edtjem jiehtedh vielle
Datne dån daajrah vielle
datne guarkah åabpa
Mohte gosse gihtjieh gusnie gøøtsijjie
mejtie dellie
gaajhkem jeahta
Skulfedeavesne lååvhtegem tseegkimh
gijrejuhtemen
Tjeehpesvuemesne derhvie-gåetie
skieredahken
Mijjen giesiegåetie lij Idtunjaarhkesne
jih daelvege lij jienehke Dalvadas-dajvesne
Datne dån daajrah åabpa
datne guarkah vielle
Mijjen maadtoej dållesijjieh leah Aallaordesne
Stoerrevaegkien hingsedeavesne
Viidečearosne
Aajja saelhtieloektesne gøølemisnie
batneni
Aahka Šelgesråhtosne suejnieh tjoehpi
Aehtjie baajkoen Finjubaektesne
reakasovvi
Jih dellie gihtjieh
gustie dov maadtoeh
Dah jis mov gåajkoe båetieh
gærjah vuesiehtieh
laakegærjah
mah leah jijtjh tjaaleme
Daate lea laake
mij datnem aaj dijpie
giehtjh
Mohte im vuejnieh vielle
im vuejnieh åabpa
im maam gænnah jiehtieh
im maehtieh
ajve guevtelidie vuesehtem
Jih mijjen guevtelh vuajnam
mijjen årromesijjieh
govlem vaajmoe jievkehte
daate lea mov veasoe
gaajhke daate
jih dam guadtam
mov sisnjielisnie
vaajmosne
Govlem dam
gosse tjelmieh trimhkem
govlem
Govlem mov sisnjielistie
båata
eatnemen lovtere
stoerretjuetie guehperen-lihtsh
snoetjege ealoe
vuj nåejtien gievrie
jih sjielegierkie
vueptestem
mov boengesisnie
sepkede soptseste hojkesje tjåårve
gaajenasse deavhta
boengesem raedtste raadtan
Jih manne dam govlem
jalhts tjelmieh rihpestem
manne govlem
Mov sisnjielisnie giengelisnie
govlem
giele aejveste
govlem virren joejkem
sisnjielisnie
jielemen raajoebieleste
jielemen raajoebealan
Gaajhke daate lea mov veasoe
dah fjovlh jeanoeh jaevrieh
baajkoe goekedh elmie
Daej guevteli jijje jih biejjiebielie
aavoe jih vaejvie
åabpah jih viellh
Gaajhke daate lea mov veasoe
maam vaajmosne guadta[1]