Guktie teeksth viertiestidh

Göökte teeksth viertiestidh

Gosse datne edtjh göökte teeksth viertiestidh, dellie edtjh teeksti hedtieh jïh joekehtsh gaavnedh.

Mah edtjh viertiestidh

• motijve

• teema

• vierhkie-vierhtieh

• sjangere
• tïjje

• dïjre

Veeljh viertiestimmie-vuekiem

Gosse datne edtjh viertiestimmie-analysem tjaeledh, dellie maahtah göökte vuekiej mietie barkedh. Veeljh aktem daejstie.

Voestegh teekste A jïh dellie teekste B

Gaavnh hedtieh jïh joekehtsh

Gaavnh hedtieh:

• Seamma teema teekstine?
• Tjaelijh seamma vierhkie-vierhtieh nuhtjieh?
• Teeksth seamma sjangerisnie?
• Teeksth seamma tïjjeste?

• Tjaelijh seamma dïjrem utnieh?

Gaavnh joekehtsh:

• Teeksth teemam joekehtslaakan gïetedieh? Jis numhtie guktie?
• Mah vierhkie-vierhtieh tjaelijh nuhtjieh? Mah vierhkie-vierhtieh dïhte akte tjaelije nuhtjie mejtie dïhte mubpie ij nuhtjh? Jis numhtie mah vierhkie-vierhtieh?
• Teeksth joekehts sjangerisnie? Jis numhtie mah joekehtsh dej gaskem?
• Jis teeksth eah seamma tïjjeste, guktie datne dam vuajnah? Gaavnh vuesiehtimmieh teekstijste.

• Jis dïjre ij leah seamma, mij dellie joekehtse teeksti gaskem?

Guktie teekstem bigkedh

1. Tjaelieh aalkoem gusnie datne teeksti motijvem jïh teemam åehpiedahtah jïh dam mij vihkielommes jïh seammalaakan.
2. Åehpiedehtieh vierhkie-vierhtieh åenehkslaakan, maam datne teekstesne A gaavnh, jïh guktie vierhkie-vierhtieh viehkiehtieh teemam bigkedh.
3. Åehpiedehtieh vierhkie-vierhtieh åenehkslaakan, maam datne teekstesne B gaavnh, jïh guktie vierhkie-vierhtieh viehkiehtieh teemam bigkedh.

4. Tjaelieh guhkebe viertiestimmie-boelhkem gusnie datne vuesiehtimmide teeksteste A jïh teeksteste B viertesth. Daennie boelhkesne gellie biehkieh, mujhtieh meatan vaeltedh gaajhkh mah seammalaakan jïh mahte seammalaakan.

5. Tjaelieh konklusjovnem minngemosth.

Tsiehkeste tseahkan viertiestidh

1. Tjaelieh aalkoem gusnie datne teeksti motijvem jïh teemam åehpiedahtah. Tjaelieh aaj teeksti hedtiej bïjre.
2. Tjaelieh aktem hedtien bïjre. Vaeltieh meatan vuesiehtimmieh gåabpagijstie teekstijste, jïh guktie daate hedtie maahta mijjem baajnehtidh guktie mijjieh teekstem guarkebe.
3. Tjaelieh akten orre hedtien bïjre. Vaeltieh meatan vuesiehtimmieh gåabpagijstie teekstijste, jïh guktie daate hedtie maahta mijjem baajnehtidh guktie mijjieh teekstem guarkebe. Datne maahtah gellie hedtiej bïjre tjaeledh, men aellieh fer jïjnjh meatan vaeltieh.

4. Tjaelieh buerkiestimmiem gusnie kontrasth teeksti gaskem vuesehth, mujhtieh vuesiehtimmieh meatan vaeltedh gåabpagijstie teekstijste.

5. Tjaelieh konklusjovnem minngemosth.

Nov sån maahta gïerve årrodh tsiehkeste tseahkan viertiestidh. Men jis haarjenh, dellie gujht hijven gåarede. Daate vuekie datnem viehkehte mujhtedh guktie teekstide viertiestidh abpe dov vaestiedassesne, jïh dellie dov vaestiedasse/teekste buerebe sjædta.