Ovmessie portrehte-gihtjehtimmieh

Væjkeles journaliste hijven gyhtjelassh dorje jïh gihtjie. Datne tjoerh dalhketjh meatan vaeltedh mejtie daarpesjh gosse gihtjehtimmiem darjoeh.

Noere baernie PCesne tjaelieminie mearan bokstaavh bïjre jaarkan haelehteminie. Guvvie.

Åvte-barkoe

Åvtelen edtjh gihtjehtidh, maahtah væjsehke årrodh portrehte-gihtjehtimmiem vuesiehtimmine lohkedh. Fåantoe lea daate lea sjangere mij kreava datne tjaelesth mearan gihtjehteminie. Ih edtjh gidtjh ajve gihtjelgæjjan vaestiedassh paehpierisnie tjaeledh, men aaj gihtjelgæjjan persovnelesvoetem våajnoes darjodh.

Vuesiehtimmieh

Haarjenh

Gïehtjh gihtjehtimmiem maam Sofie dorje Markus Baileyne Maana-TV:ste ikth vielie. Maam lih sïjhteme altese kråahpe-gïelen bïjre tjaeledh juktie vuesiehtidh magkeres persovnelesvoete dan?

Raeriestimmie

Markus Bailey lea ïedtjije mearan soptseste. Dïhte maahta hijven årrodh dov lohkijidie vuesiehtidh. Dellie maahtah vuesiehtimmien gaavhtan tjaeledh:

«Markus mojjehte jïh gïetigujmie saevehte, mearan sov barkoem Maana-TV:sne buerkeste. Gyhtjelassesne maam dïhte dan kruana tjiehtjelen bïjre tuhtjie, mejjesne jeahta ....»