Löövra skïemtjes
1. Lohkh, goltelh jïh vaestedh
Löövra skïemtjes
Tekstversjon
Jïjje doekoe dellie Löövra fahkoe. Mov tjåejjie baektjede. Manne tjoerem onne-gåatan. Löövra tjuedtjele jïh ojhte onne-gåatan vaadtsa. Jïh dle vihth vaadtsa åarije. Aegkie-dåvnam gaptja jïh sæjhta vihth åeredh. Åå, mov tjåejjie dan baektjede vihth. Manne sïjhtem voeksedidh. Brijhte seamma tjiehtjielisnie goh Löövra. Brijhte faahkoe. "Mij dov faatoes?" Brijhte gihtjie. "Mov tjåejjie baektjede. Manne sïjhtem voeksedidh," Löövra jeahta.
"Manne edtjem tjidtjiem gåaskodh," Brijhte jeahta. Jïh dellie vaadtsa tjidtjiem gååske. "Tjidtjie, sïjhth datne Löövran gåajkoe båetedh, dïhte sæjhta voeksedidh." Tjidtjie tjuedtjele, slubpide låepehte jïh båata. Tjidtjie jallan hinnie bæhtoem buektedh dellie Löövra voeksede. Jïjnjem voeksede. Goh vaaseme dellie gillede. Tjidtjie Löövran gaalloem damtehte. Ålvas baahkes domtoe. "Åå, mov tjåejjie," Löövra vihth. Ånnetji dellie aaj vihth voeksede.
"Daagkoe lea bååktjehkommes," Löövra jeahta, jïh gïetem tjåejjien åelkies bealan beaja. Tjidtjie Löövran tjåejjiem demtehte. Garres domtoe. "Åå, dellie vihth," Löövra jeahta, jïh åelkies juelkiem bæjjese tjåejjien vööste kröövvehte. "Buerebe gosse juelkiem bæjjese kröövvehth?" tjidtjie gihtjie. "Jaa," Löövra jeahta. Löövra tjyöre. Jïh die vihth voeksede.
Jïjje doekoe dellie Löövra fahkoe. Mov tjåejjie baektjede. Manne tjoerem onne-gåatan. Löövra tjuedtjele jïh ojhte onne-gåatan vaadtsa. Jïh dle vihth vaadtsa åarije. Aegkie-dåvnam gaptja jïh sæjhta vihth åeredh. Åå, mov tjåejjie dan baektjede vihth. Manne sïjhtem voeksedidh. Brijhte seamma tjiehtjielisnie goh Löövra. Brijhte faahkoe. "Mij dov faatoes?" Brijhte gihtjie. "Mov tjåejjie baektjede. Manne sïjhtem voeksedidh," Löövra jeahta.
"Manne edtjem tjidtjiem gåaskodh," Brijhte jeahta. Jïh dellie vaadtsa tjidtjiem gååske. "Tjidtjie, sïjhth datne Löövran gåajkoe båetedh, dïhte sæjhta voeksedidh." Tjidtjie tjuedtjele, slubpide låepehte jïh båata. Tjidtjie jallan hinnie bæhtoem buektedh dellie Löövra voeksede. Jïjnjem voeksede. Goh vaaseme dellie gillede. Tjidtjie Löövran gaalloem damtehte. Ålvas baahkes domtoe. "Åå, mov tjåejjie," Löövra vihth. Ånnetji dellie aaj vihth voeksede.
"Daagkoe lea bååktjehkommes," Löövra jeahta, jïh gïetem tjåejjien åelkies bealan beaja. Tjidtjie Löövran tjåejjiem demtehte. Garres domtoe. "Åå, dellie vihth," Löövra jeahta, jïh åelkies juelkiem bæjjese tjåejjien vööste kröövvehte. "Buerebe gosse juelkiem bæjjese kröövvehth?" tjidtjie gihtjie. "Jaa," Löövra jeahta. Löövra tjyöre. Jïh die vihth voeksede.
Vaestedh gyhtjelasside
Gåessie Löövra fahkoe?
Man åvteste Löövra fahkoe?
Gie seamma tjiehtjielisnie goh Löövra?
Gie tjidtjiem gååske?
Maam tjidtjie dorje?
Mij Löövran faatoes?
Guktie Löövran gaalloe domtoe?
2. Darjoeh laavenjassem
3. Tjaelieh
Maam vïenhth Löövran faatoes? Jåerhkieh soptsesem.