Skip to content
Task

Teekste hijvenlaakan jåhta?

Gosse datne tjaelieminie, mujhtieh dellie gïele edtja hijvenlaakan juhtedh. Mujhtieh eensi jïh ellies raajesh bigkedh. Aellieh fer geerve jïh guhkies raajesh bigkh. Gosse datne aelhkieslaakan tjaalah jïh raajesidie eensilaakan bigkh dellie aelhkie dov teekstem lohkedh.

Daesnie datne lïerh guktie maahtah boelhkem tjaeledh. Mujhtieh dov argumenth edtjieh vååjnesasse båetedh.

1. laavenjasse

Vuartesjh daejtie göökte boelhkide. Mij nåake voestes boelhkine jïh mij buerie mubpine boelhkine?

Vuesiehtimmie 1: Buerkiestimmie novelleste

Novella lea giefies almetji bïjre Oslosne dejpeli, jïh dellie lij sïejhme dan bïjre tjaeledh. Guktie klaerieh nuhtjeme viehkehte, gaajhke kraevies jïh tjeehpes. Goh byjrese jïh guktie almetjh bïhkedamme. Guktie åejvie-almetje noerine barkeme jïh iktesth soevene. Aajmoe ovmurreds sjædta.

Vuesiehtimmie 2: Seamma buerkiestimmie jeatjah baakoejgujmie

Novella soptseste giefies almetji bïjre Oslosne dejpeli. Joekoen sïejhme lij dan bïjre tjaeledh. Teema buerebe vååjnesasse båata gosse tjaelije klaerie-baakoeh nuhtjie. Klaerieh goh tjeehpes jïh kraevies gellien aejkien teekstesne nuhtjesovveme, jïh baakoeh goh mïerhke jïh ovmurreds aajmoem skaepiedieh. Dovne byjrese-buerkiestimmie jïh buerkiestimmie åejvie-almetjistie viehkiehtieh guktie dïhte ovmurreds aajmoe vååjnesasse båata. Baernie gidtjh iktegisth soevene.