Digkedh teemam Almetje-healsoe jïh jielede-haalveme

Daelie edtjh dåaresth-faageles aamhtesh digkiedidh almetje-healsoen jïh jielede-haalvemen bïjre.

Veeljh mej laavenjassigujmie sïjhth barkedh, jïh guktemeslaakan barkh. Datne edtjh ussjedalledh, goerehtidh jïh digkiedidh njaalmeldh jallh tjaaleldh.

Veeljh aamhtesem, digkedh jïh vaestedh!

Digkiedimmes-aamhtesh

1. Guktie hijvenlaakan jieledh?

Digkedh jiehtegem «Daan biejjien almetjh dan hijven utnieh» jïh vaestedh!

• Mij vihkele, jïh mij ij leah dan vihkele guktie hijven utnedh?

• Mij lea vihkielommes juktie buerie jieledem utnedh? Mannasinie?

• Guktie buerie jielede dov mïelen mietie?

2. Guktie «almetjinie» årrodh?

Digkedh jiehtegem «Gaajhkesh åadtjoeh darjodh jïh dåemiedidh guktie sijhtieh» jïh vaestedh!

• Mij hammode guktie noere almetjh leah jïh guktie sijhtieh årrodh?

• Mij hammode guktie noerh ussjedieh jïh dåemedieh, jïh guktie leah mubpiej vööste?

• Dov mïelen mietie gaajhkesh åadtjoeh ussjedidh jïh dåemiedidh guktie sijhtieh? Mannasinie, mannasinie ij? 

3. Nuekies tjaebpies?

Digkedh jiehtegem «Vihkielommes tjaebpies årrodh» jïh vaestedh!

• Naan aejkien noere almetjh sijhtieh ååredæjjam jallh kråahpem jeatjahtehtedh botoxinie jïh plastihke-kirurgijinie. Mannasinie?

• Naan aejkien noere almetjh sijhtieh anabovle steroijdh vaeltedh jïh saavredh juktie veaksahkåbpoe vååjnedh? Mannasinie?

• Dov mïelen mietie gaajhkesh åadtjoeh darjodh jïh vååjnedh guktie sijhtieh? Mannasinie, mannasinie ij? 

4. Nuekies mavvas?

Digkedh jiehtegem «Vihkielommes mavvas årrodh» jïh vaestedh!

• Naan aejkien noere almetjh sijhtieh mavvas årrodh. Mannasinie?

• Guktie noerh maehtieh mavvas vååjnedh jallh govledh? Neebnh vuesiehtimmieh.

• Daerpies mavvas noerine årrodh dov mïelen mietie? Mannasinie, mannasinie ij? 

5. Guktie sosijaale medijisnie årrodh?

Digkedh jiehtegem «Vihkielommes gieltegslaaketje sosijaale medijisnie vååjnedh» jïh vaestedh.

• Mah sosijaale medijah noere almetjh daan biejjien nuhtjieh?

• Guktie noerh sijhtieh sosijaale medijisnie vååjnedh jïh govledh? Mannasinie?

• Mij lea hijven jïh mij lea nåake sosijaale medijinie dov mïelen mietie?

6. Sisnjelisnie vuj ålkoelisnie?

Digkedh jiehtegem «Ij dïhte åadtjoeh mijjen ektine årrodh» jïh vaestedh.

• Naan aejkien noere almetjh oktegh jallh oktegh domtoeh? Mannasinie?

• Guktie jis gie ij åadtjoeh mubpiejgujmie ektine årrodh jalhts sæjhta?

• Maam hijven darjodh jis gie lea oktegh dov mïelen mietie?

7. Gosse gïese nåake

Digkedh jiehtegem «Im manne pryjjh» jïh vaestedh.

• Naan aejkien noere almetjh gaajh nåake domtoeh. Mannasinie?

• Man åvteste vihkele dellie pryjjedh? Neebnh vuesiehtimmieh.

• Guktie maahtah pryjjedh jïh hijvenlaakan viehkiehtidh dov mïelen mietie?

8. Guktie «jeatjahlaaketje» domtedh?

Digkedh jiehtegem «Vihkielommes seammalaaketje årrodh» jïh vaestedh.

• Naan aejkien noere almetjh jeatjahlaaketje domtoeh. Mannasinie?

• Man åvteste noerh sijhtieh seammalaaketje årrodh? Neebnh vuesiehtimmieh.

• Buerebe seammalaaketje vuj sjïerelaaketje årrodh dov mïelen mietie?

9. Guktie «vælnjan» årrodh?

Digkedh jiehtegem «Eah dah goh mijjieh» jïh vaestedh.

• Guktie vïenhth vælnjoeh jallh homofijle noerine årrodh? 

• Man åvteste vïenhth maahta gïerve «vælnjan» årrodh seabradahkesne? 

• Guktie almetjh edtjieh sinsitnien vööste dåemiedidh dov mïelen mietie?

10. Voelpe vuj ij?

Digkedh jiehtegem «Vihkielommes gellie voelph utnedh» jïh vaestedh.

• Mij lea voelpe? Buerkesth.

• Jis voelph maam akt jeahta mij nåake jallh nåekieslaakan dåemedieh, guktie dellie?

• Mij buerie voelpe dov mïelen mietie?

11. Gosse «oktegh» saemine

Digkedh jiehtegem «Saemieh dan måaskehtje» jïh vaestedh.

• Guktie skuvlesne jallh jeatjah sijjesne saemine årrodh?

• Gåessie hijven jïh gåessie gïerve maahta domtedh? Neebnh vuesiehtimmieh.

• Man åvteste gïerve maahta domtedh oktegh saemine årrodh dov mïelen mietie?