Article
Bihttoš
Bihttoš lea eksperimentála, poehtalaš dokumentárafilbma mii seaguha ivdnás animašuvnnaid, rekonstrukšuvnnaid ja vuorkámateriálaid. Filmmas analysere Tailfeathers iežas oktavuođa iežas sámi áhččái.
Filbma álgá muitalusain mo áhčči deaivvadii su etniin, guhte lea blackfoot-indiána, ja dasto mo áhči psyhkalaš váttisvuođat váikkuhedje sudno románsii. Tailfeathers háliida guorahallat mii manai boastut váhnemiid náittosdilis. Mii dat lea rievtti mielde áhčiin mii lea dagahan su nu lossamielagin ahte son oktii árvvoštalai sorbmet iežas? Boahtá ovdan ahte áhči váttisvuođat leat čadnon mánnávuođa dáhpáhusaide nugo olu eará sápmelaččat su buolvvas maiddái leat vásihan.