Lectures and Presentations

Guktie saemien gïelh lutnjedh

Ovmessie öörnemh, gïele-baalhkah jïh gïele-kampanjh dej minngemes jaepiej orreme ihke saemien gïeli tsiehkie edtja buaranidh jïh lutnjesovvedh.

Båaloeh jïh gïetebaante kampanjeste Saemesth munnjien. Guvvie. — Båaloeh jïh gïetebaante kampanjeste «Saemesth munnjien». Image: Marit M. Fjellheim / CC BY-SA 4.0

Gullie-gïele

Jaepien 2004 raejeste dellie Noerhte-laanti saemien gïele-baalhka «Gulliegïele» fïerhten mubpien jaepien juakasåvva.

Vaajmoegïele

Saemiedigkie barka Nöörjen staaten jïh reerenassi ektine ihke saemien gïelide vaarjelidh jïh evtiedidh, politihkeles jïh dovne jeatjah vuekiejgujmie. Jaepien 2016 dellie NOU - Nöörjen byögkeles salkehtimmie 2016:18 «Vaajmoegïele» bööti gusnie raeriestimmie laakide, råajvarimmide jïh öörnegidie saemien gïelide. Jaepien 2018 dellie Saemiedigkie jïjtsh strategijh buektieji gïele-barkoen åvteste «Gïelelutnjeme».

Saemesth munnjien

Gellie gïele-kampaanjh dovne orreme. Jaepiej 2013-2015 dellie Saemiedigkie gïele-kampaanjem «Saemesth munnjien» utni saemien noeride juktie saemien-gïelide åtnose jïh vååjnesasse buektedh. Jaepien 2016/2017 dellie Saemiedigkie gïele-kampaanjem «Saemesth maanine» utni juktie saemien eejhtegh viehkiehtidh gosse dah edtjieh gïelem veeljedh sijjen maanide.

Aalkoealmetjegïele-jaepie

Jaepien 2019 EN:n gaskenasjonaale aalkoealmetjegïele-jaepie. Dellie Saemiedigkie Saemien gïele-våhkoem öörnie juktie saemien gïeli statusem lutnjedh jïh daajroem saemien gïeli jïh kultuvren bïjre bueriedidh seabradahkesne. Saemiedigkie aaj voestes aejkien gïelelutnjeme-åasam dellie vadta.

Gïeleviehkie

Seamma jaepien 2019 dellie Gïelem nastedh, Snåasesne, aktem prosjeektem «Gïeleviehkie» åtna gusnie njieljie åarjel-saemien noerh gïeh gïele-viehkiehtæjjine berkieh. Dah edtjieh åarjel-saemien gïelem lutnjedh noeri gaskemsh jïh gïelem vååjnesasse jïh govlesasse bïejedh kreatijve vuekiejgujmie sosijaale meediaj tjïrrh.

Gïele-våhkoe

Fïerhten jaepien Saemien gïele-våhkoe öörnesåvva. Voestes gïele-våhkoe lij jaepien 2019. Gïele-våhkoe edtja saemien gïeli statusem lutnjedh jïh gïelem jïh kultuvrem vååjnesasse jïh govlesasse buektedh abpe seabradahkesne.

Lohkh vielie Gïelevåhkoen bïjre.