Åehpiedehteme
Dïejvese åehpiedehteme joekoen barkosne jïh jieliemisnie åtnasåvva. Vuesiehtimmien gaavhtan jiehtebe mijjieh edtjebe reeknehlåhkoe-taalh jallh orre dorjesem åehpiedehtedh. Aaj sïejhme ovmessie teknihkeles viehkie-dïrregh nuhtjedh gosse maam akt åehpiedehtebe. Håaleme daamtaj aktem elliesåbpoe hammoedimmiem jïh gïele-hammoem åtna goh åehpiedehteme. Lissine teema daamtaj veelebelaakan gïetesåvva goh åehpiedehtiemisnie.
Ryöjredimmieh vihkeles
Jis edtjh åehpiedehtieminie jallh håaleminie lyhkesidh, dle seamma maadth-njoelkedasse goh gaajhkese maam edtjh njaalmeldh buektedh. Datne tjoerh veele ryöjredidh dov laavenjassese. Datne jearsoesvoetem åadtjoeh gosse daajrah datne maahtah dam man bïjre edtjh soptsestidh, jïh datne maahtah ajve ussjedidh dïsse mij lea vihkielommes gosse goltelæjjaj uvte tjåadtjoeh, gidtjh åehpiedehteme jallh håaleme.