Gosse datne aktene tjaalegisnie argumenteredh dellie eensilaakan dov mïelem tjïelkesth jïh man åvteste. Datne tjoerh dov bagkesimmieh tjïelkestidh. Dov argumeente jïh dam maam jeahtah lohkijem viehkiehtieh guarkedh man åvteste argumeente hijven.

Argumentereles tjaalegh edtjieh lohkijem man akt bïjre tsevtsedh jallh jaehkiehtidh. Gellien aejkien mijjieh ajve mijjen vuajnoen åvteste argumenteradibie jïh ajve argumeenth aktede bieleste aamhtesistie åehpiedehtebe. Men argumentereles tjaalege maahta ussjedammes sjïdtedh jis mijjieh dovne aamhtesen åvteste jïh vööste argumenteradibie.

Jis edtjebe hijven argumentereles tjaalegh tjaeledh dellie tjoerebe daajroem aamhtesen bïjre utnedh. Lissine tjoerebe daejredh guktie argumentereles tjaalegh tseegkedh juktie lohkijem jaehkiehtidh.

Jis edtjh væjkele sjïdtedh argumenteradidh, tjoerh haarjanidh. Lissine aaj nuhteligs ohtje daajroem utnedh teorijen bïjre guktie datne maahtah aajhtsedh guktie jeatjebh argumenteradieh.