Laavenjassh: Njaalmeldh soptsesh
Soptsestimmievuekie lea vuekie guktie soptsesem soptsestidh. Maahta soptsesem ovmessie vuekine soptsestidh. Maahta vaajestidh, buerkiestidh, scenihken vuekine soptsestidh.
Maahta daelie-hammojne soptsestidh jallh vaajestidh maam akt mij aarebi heannadamme. Soptsestæjja maahta aaj gïelem nuhtjedh gosse sov dïjrem åvtese buakta jïh gosse sæjhta mijjem gïeline skreejrehtidh. Maahta gellie gïeleviehkie-dïrregh nuhtjedh goh v.g. lustesvoete, ironije, vuestiebielieh jïh viertiestimmieh, symbolh jïh gïele-guvvieh.
Njaalmeldh teeksth leah teeksth gusnie njaalmeldh govlesadteme veaksahkommes soptsestimmie-hammoe, men gusnie aaj jeatjah modijh goh gïele-åtnoe, guktie gïelem pråvhka, smaareh-gïelh, kråahpe-gïele, vaarjoeh, musihke jïh guvvieh vihkele gosse edtjebe teekstem guarkedh.
Goltelh åemie Jaahkenelkien Aannan soptsesh Sámi arkiivesne.
- Bïhkedh åemie Jaahkenelkien Aannan soptsestimmievuekie.
- Jis buerkiestimmiem lohkh mij njaalmeldh teeksth leah. Mah modijh åemie Jaahkenelkien Aanna nuhtji?
- Guktie modijh maehtieh datnem viehkiehtidh teekstem guarkedh?