Skip to content
Task

Barkh teemine Gïele jïh identiteete

Daelie edtjh laavenjassigujmie barkedh teemeste gïelen jïh identiteeten bïjre.
Aahka jïh aahkuveh buertiebealesne tjahkesjeminie soptsesteminie. Guvvie.
Image: Sara Bransfjell / CC BY-NC-SA 4.0

Laavenjassh

  1. Mij Saaran voestes-gïele jïh nubpien-gïele?

    Saara lea 15 jaepien båeries. Dan voestes-gïele lea daaroen gïele maam gåetesne lïereme jïh dam tjidtjine; fïerhten biejjien soptseste. Maana-giertesne saemien lïeri. Jallan vïjhten jaepien båeries dillie goh saemien-gïelen maana-giertesne eelki. Maana-giertesne gaajhkh barkijh barre saemiestin, jïh ånnetji die aelkiesti saemiestidh. Daelie Saara gåabpatjahkide gïelide mahte seamma hijven soptseste.

  2. Mij dov ietnien-gïele jallh voestes-gïele? Dov göökte ietnien-gïelh?

  3. Mij dov nubpien-gïele?

  4. Mij jallh mah dov ammes-gïelh?

  5. Gihtjh luhkie almetjh mij lea dej ietnien-gïele (voestes-gïele) nubpien-gïele ammes-gïele.

  6. Mij tjidtjien ietnien-gïele?

  7. Mij dïhte sïejhmemes ammes-gïele?

  8. WEB-sæjroem darjodh gusnie åejvie-gïele lea saemien-gïele. Sæjrose jallh sæjrojde saaht maam tjaeledh. Jeatjah dajven noerh edtjieh dijjen bïjre lohkedh, v.g. guktie dijjen luvnie daelie j.n.v. Sæjrose jallh sæjrojde tjaelede daej aamhtesi bïjre:

  • musihkevideo-vierhtiedimmie

  • tjihtesh/dikth

  • gaahtjemen jallh raavra-tjiektjemen bïjre

  • gaarvoej bïjre

  • bivtemen jïh vïjremen bïjre

  • dijjen luvnie vihkielommes saemiej bïjre

  • guktie dijjen luvnie noerine årrodh

  • eejehts-faaleldahkh

  • gieriesvoeten bïjre

  • åehpies filme- jallh musihke-naestien bïjre

  • geeruvi/narkotihken vaahresen bïjre j.n.v.

    Idie edtjh gaajhki aamhtesi bïjre tjaeledh. Bööremes doestedh saemien gïelese tjaeledh. Hijven buektiehtidh jïjtjedh åssjalommesi bïjre tjaeledh.

Gaaltije

Palismaa. M. (2006). Gïele lea faamoe. Davvi Girji o.s.