Barkh teknologije-faagine
1. Veeljh darjoemassem
Datne edtjh barkoe-prosessem/darjoemassem veeljedh jïh dam buerkiestidh. Digkedh lohkehtæjjine jïh veeljh teemam mejnie sïjhth barkedh. Darjoeh barkoe-buerkiestimmiem gusnie faage-maahtoem jïh sjiehteles faage-gïelem nuhtjh.
Mejnie barkedh?
vuajahtahkem dåvvodh
vuajahtahkem gorredidh
fiejliem ohtsedidh
skaadam dåvvodh
motovrem dåvvodh
guvviej- jïh buerkiestimmiej mietie barkedh
biehkieh ektiedidh
sjiehteles dïrregh jïh maskijnh utnedh
sjiehteles materijaalh jïh biehkieh utnedh
sjïehteles badtjah jïh ååljah utnedh
dåvvomem soejkesjidh
ryöknedh man dovres sjædta
jeatjah
Mij lea slahtjan?
Jis vuajahtahke tjöödtjesth jïh ij vielie juehtieh, v.g. skovtere, mij dellie slahtjan?
motovre, tsïhkije-plugge, bensijne-gïrse, åålja-gïrse, gieseme-gåårtenje/ variatovre-reemme, gaasse, heerrehke, stuvredahke, rigkie-skaavhtege, skovteren haartege, plåevhkeme-dåastojh, skovteren nuelie, skovteren beelhte, skovteren-jårresh, skovteren-letnieh, tjoevkese, jeatjah
Mah materijaalh jïh biehkieh daarpesjh?
staelie, ruevtie, plaaste, botnjesh, skruvvh, naevlieh, mudterh
Man jïjnje jallh man gellie dejstie materijaalijste jïh biehkijste daerpies?
Mah dïrregh jïh maskijnh daarpesjh?
naapere-maskijne, naaperh, batterije, botnje-tjoevtenje, botnje-ruevtie, baste, bastestahke, fæjloe, saakoe
Guktie darjodh?
botnjedh IV, noeredh IV, bastestidh, båeriehtidh, naepierdidh, sååkesjidh, tjoehpedh IV, riektiedidh, kråavvoedidh, fïjledidh, jalkesjidh, veajahtidh
Dievhtedh jïh gorredidh
Mejnie vuajahtahkem, v.g. skovterem, dievhtedh jïh guktie dam gorredidh jïh badtjadidh?
motovre-åålja, åålja-boehtele, åålja-taanke, bensijne, bensijne-lihtie, stulhtje, bensijne-taanke, badtja, badtja-nihpele
Man dovres?
Datne buektehth fiejliem jallh skaadam jïjtje dåvvodh?
Jis vuajahtahken stoere fiejlie jallh skaada, jïh datne ih buekthth jïjtje dam dåvvodh, dellie tjoerh vierhkiesæjjan dam seedtedh.
Dellie tjoerh dåvvomes-åasam goerehtidh jïh ryöknedh man dovres sjædta.
Seammalaakan jis datne tjoerh dåvvomes-biehkieh dongkedh. Ryöknh man dovres dah.
2. Guktie barkoe-buerkiestimmiem darjodh
Datne edtjh barkoe-prosessem/darjoemassem åehpiedehtedh jïh guvviejgujmie aaj vuesiehtidh maam darjoeh:
Tjaelieh gåessie, gusnie jïh gie edtja barkemem/darjoemassem darjodh.
Tjaelieh maam edtjh darjodh jïh man åvteste.
Tjaelieh mah viehkievierhtieh mejtie utnedh jïh HMS-råajvarimmieh (healsoe, byjrese jïh jearsoesvoete).
Vuesehth jïh soptsesth guktemeslaakan barkedh jïh vaelieh guvvieh mearan barkeminie.
Tjaelieh jïh vuesehth maam darjoejih, guktemeslaakan darjoejih jïh maam tjoerih jeatjahtehtedh jïh orresistie darjodh.
Tjaelieh jïh vuesehth guktie gåaradi jïh maam lïereme.
Vaeltieh guvvieh mearan barkeminie
Datne edtjh vuesiehtidh maam darjoeh jïh guktemeslaakan barkh. Vaeltieh guvvieh mearan barkeminie.
Mah sjïere faage-baakoeh daerpies?
Mah sjïere baakoeh daarpesjh? Tjaelieh dejtie, ohtsedh sjïehteles baakoeh (substantijvh), v.g.:
dåvvome, gïrse, kaabele, botnjesh, mudterh
Guktie edtjh darjodh? Tjaelieh guktemeslaakan darjodh, ohtsedh sjiehteles baakoeh (verbh), v.g.:
båeriehtidh, botnjedh, noeredh, sjïehtedidh, riektiedidh, kråavvoedidh
3. Tjaelieh barkoe-buerkiestimmiem (loggem)
1. boelhke
Aalkoe (daatove/tsåahka):
Orrijimmie (daatove/tsåahka):
Barkijen nomme/barkiji nommh:
Barkoe-sijjie/skuvle:
2. boelhke
Maam darjodh:
Man åvteste dam darjodh:
Guktie edtja sjïdtedh (barkemen/darjoemassen ulmie):
3. boelhke
Dïrregh/maskijnh mejtie utnedh:
Ïebnh/materijaalh mejtie utnedh:
Man jïjnjh/jïjnjem daarpesjh:
4. boelhke
Man dovres sjædta:
Guktemeslaakan darjodh:
HMS-råajvarimmieh (healsoe, byjrese jïh jearsoesvoete):
5. boelhke
Maam darjoejih (datne/dov dåehkie):
Maam tjoerih jeatjahtehtedh/ jeatjahlaakan darjodh:
Maam tjoerih orrestistie darjodh:
6. boelhke
Guktie minngemes sjïdti:
Guktie tuhtjh gåaradi:
Maam lïereme:
4. Vaestedh
Guktie gåaradi barkoe-buerkiestimmiem (loggem) tjaeledh? Mij lij aelhkie, mij lij geervebe? Buerkesth man åvteste.
Datne jienebh baakoeh daarpesjih mah eah åarjel-saemien baakoe-gærjine gååvnesh?
Mah lööneme-baakoeh datne daarpesjih?
Naan orre seerkeme-baakoeh jïjtje darjoejih?