Viertesth göökte teeksth
Teeksth viertiestidh
Gosse laavenjassem åadtjoeh gusnie edtjh göökte teeksth viertiestidh, dellie edtjh hedtieh jïh joekehtsh gaavnedh dej göökte teeksti gaskem. Mytah jïh båeries soptsesh leah almetjistie almetjasse soptsesovveme. Dah leah njaalmeldh vuekien mietie soptsestovveme jïh aaj vuesiehtieh guktie almetjh dejbeeli ussjedin jïh maam darjoejin.
Daaletji teeksth leah teeksth mijjen tïjjeste. Dah teeksth jallh soptsesh aaj vuesiehtieh guktie mijjieh daelie jielebe, maam ussjedibie jïh mïsse jaehkebe.
Aarvoeh
Aarvoeh teekstesne mijjese soptsestieh maam tjaelije såvma vihkele jïh mij vihkele dan tïjjen gosse dïhte jeala/jeeli. Aarvoeh gellien aejkien vuesiehtieh mah almetjem skreejrieh jallh tsevtsieh gosse almetje edtja veeljedh maam edtja darjodh jallh maam dorje. Gosse datne edtjh aarvoeh teekstsne gaavnedh maahtah gihtjedh:
- Maam/mïsse almetje jaahka?
- Man vihkeles lea dïhte sutnjien/dan almetjasse?
- Mah almetjidie skreejrieh?
- Mij maahta buerkiestidh maam dah darjoeh?
- Mah aarvoeh vihkele seabradahkesne guktie teekstine buerkiestamme?
- Teeksti seamma aarvoeh, jallh naan joekehtsh dej gaskem?
- Gåessie dah teeksth bæjhkoetamme? Mah aarvoeh vihkeles seabradahkesne dejnie aejkine?
Laavenjasse
Ohtsedh jïh goltelh maam åemie Oskar Jåma soptsesti båatsoen bïjre Sámi arkiivesne.
Lohkh kronihkem Tïjje båateme gaatelassjedh maam Inge E. Danielsen tjeeli plaeresne Adresseavisa 14.02.2017.
Viertesth dejtie göökte teekstide jïh ussjedh dovne tïjjen jïh aarvoej bïjre.