Laavenjassh: Njaalmeldh soptsesh
Soptsestimmievuekie
Soptsestimmievuekie lea vuekie guktie soptsesem soptsestidh. Maahtah soptsesem ovmessie vuekine soptsestidh. Maahtah vaajestidh, buerkiestidh, jielijies vuekine soptsestidh.
Maahtah daelie-hammojne soptsestidh jallh vaajestidh maam akt mij aarebi heannadamme. Soptsestæjja maahta gïelem aaj nuhtjedh gosse sov dïjrem åvtese buakta jïh gosse sæjhta mijjem gïeline skreejrehtidh. Maahtah gellie gïeleldh vierhkie-vierhtieh nuhtjedh goh v.g. lustesvoete, ironije, vuestiebielieh jïh viertiestimmieh, symbolh jïh gïele-guvvieh.
Njaalmeldh teeksth leah teeksth gusnie njaalmeldh gaskesadteme veaksahkommes soptsestimmie-hammoe, men gusnie aaj jeatjah modush vihkele goh gïele-åtnoe, guktie gïelem provhkh, smaare-gïelh, kråahpe-gïele, vaarjoeh, musihke jïh guvvieh, gosse edtjebe teekstem guarkedh.
Laavenjasse
Ohtsedh jïh goltelh åemie Jaahkenelkien Aannan soptsesh Sámi arkiivesne.
- Bïhkedh åemie Jaahkenelkien Aannan soptsestimmievuekiem.
- Lohkh buerkiestimmiem njaalmeldh teeksti bïjre. Mah modush åemie Jaahkenelkien Aanna nuhtji?
Guktie modush maehtieh datnem viehkiehtidh teekstem guarkedh?
Veeljh aktem tjoeje-fijlem. Man bïjre Aanna soptseste? Mij teeksten teema? Man åvteste vïenhth Aanna dan bïjre soptseste?