Darjoeh laavenjassh dïejvesi bïjre.
1. laavenjasse
Almetjh maehtieh dïejvesidie joekehtslaakan guarkedh. Veeljh golme dïejvesh jïh buerkesth maam dah soptsestieh dov mïelen mietie. Tjaelieh muvhth raajesh fïerhten dïejvesasse.
- Ij buerie njoktjide jïh voerhtjide seamma sæjjan learhkedh.
- Dïhte eevre goh snjearan raajkan tjaangeme.
- Geehtedh maam stoerre-njaelmie jeahta.
- Bisseme-geatjan nollesovvedh.
- Badtsh dah ledtide tjaebpies darjoeh.
- Ij leah hijven gasngese-dållen baalte tjahkasjidh.
- Båata goh haepkie.
- Gaahtoe aaj guelieh sæjhta, jalhts ij sïjhth gadtside lovvehtidh.
- Båatam gosse båatam.
- Aellieh tjaajenh!
- Eah læhkoeh eeremes oktegh båetieh.
2. laavenjasse
Ohtsedh aktem daaroen dïejvesem. Sjïehtedh dam dïejvesem saemien gïelese jïh kultuvrese.
3. laavenjasse
Man åvteste eah maanah edtjh geehpedh jallh plisterdidh gosse ålkone?
4. laavenjasse
Man åvteste ij edtjh snöölhken bïjre gænnah nåake soptsestidh?
5. laavenjasse
Åarjelsaemien-gïelen gellie jorth-baakoeh daaroen almetjidie. Man åvteste nimhtie dov mïelen mietie?
6. laavenjasse
Dïejvesh maehtebe guektien-gïerts guarkedh. Daate dïejvese almetji bïjre aaj sjeahta? Buerkesth jïjtjedh baakoejgujmie.
- Vuartesjh mannasinie båeries bïenje håhta.
7. laavenjasse
Tjaelieh jïjtjedh dïejvesem.
8. laavenjasse
Tjaelieh jïjtjedh jarpoem.
CC BY-SASkrevet av Marit M. Fjellheim.
Sist faglig oppdatert 07.05.2019