For å jobbe effektivt og ergonomisk og for å unngå ulykker er det viktig å kutte rett. Filmane på denne sida viser kva utstyr du treng for å kutte og forme grønsaker, og du får demonstrert enkelte grunnleggande kutteteknikkar som er vanlege på eit kjøkken.
Oppdeling
Grønsaker kan delast og formast på mange måtar. Her er eit utval:
- julienne: strimlar på 2 x 2 x 40 mm
- brunoise: små terningar på 2 x 2 x 2 mm
- batonettes: stavar på 6 x 6 x 50 mm
- paysanne: terningar på 5 x 5 x 5 mm
- parmentier: store terningar på 12 x 12 x 12 mm
- noisette: små kuler som blir laga med eit noisettejern
- parisienne: større kuler på 2–2,5 cm som blir laga med eit parisiennejern
- chiffonade: tynne strimlar av blad frå urter eller grønsaker med blad
Slik kuttar du gulrot i julienne
Skrell gulrota og finn fram ein god, skarp kniv.
Skjer av endane på gulrota.
Skjer ned på langs slik at gulrota blir stødigare å kutte.
Gjer det same på den andre sida.
Kutt gulrota i mindre bitar avhengig av lengda på gulrota.
Kutt tynne skiver på langs av gulrotbiten.
Kutt fine små strimlar av skivene, på storleik med ei fyrstikk.
Kutteteknikk for gulrot
I denne videoen får du sjå korleis du kuttar gulrot i skiver, myntar, julienne og brunoise.
Kutteteknikk for sellerirot
I denne videoen får du sjå korleis du reinsar sellerirota, og korleis ho kan kuttast i batonettes og macédoine.
CC BY-SASkrive av Jannike Gausdal.
Sist fagleg oppdatert 29.04.2022