Når det gjeld generelle eigenskapar til tetningar, er det viktig å få klarlagt kva for medium det skal tettast imot. Når det gjeld gummimateriale, er det særs viktig. Arbeidstemperatur og trykk påverkar òg vala av materiale og hardleik.
Det er ingen fordel å velje eit gummimateriale som dekkjer eit større temperaturområde enn nødvendig. Ved å gjere dette kan andre eigenskapar bli borte, noko som kan medføre ekstra kostnader.
O-ringar (akseltetningar)
O-ringar av gummi løyser ei rekkje tetningsproblem. Desse nyttar vi til mellom anna tetningar i pneumatiske og hydrauliske system. O-ringar blir òg nytta til å tette skrulok og flensar.
I ein del tilfelle blir det stilt store krav til tetningseffekten. Her nyttar vi støtteringar for å hindre at o-ringen blir pressa ut. I tillegg til at du får kjøpt O-ringar med bestemte diametermål, blir desse òg leverte som rundsnor. Dei kan då kappast i riktig lengde og limast saman. Hardleiken og kvaliteten til ein O-ring må tilpassast bruksområdet.
Pakningar (flenstetningar)
Flytande pakningssement blir svært ofte nytta ved montering av maskindelar for å tette plane overflater og flensar til pumper, girkassar og motorflensar mv. med spalte opp til 0,5 mm.
Svært ofte erstattar flytande pakningssement ordinære pakningar. Flytande pakningar gir ei fleksibel og/eller elastisk tetning som er motstandsdyktig mot vibrasjonar, varme, olje og industrielle væsker.
Etter montering kan samanslutninga demonterast med vanlege verktøy.
Tetningsvæsker
Gjengetetning blir brukt for å låse gjenge mot trykk frå gass, luft, vatn, olje, oksygen og industrielle væsker. Gjengetetning erstattar hamp og PTFE-tape. Produkta er varme- og vibrasjonssikre og finst i ulike styrkar.
Produkta kan doserast direkte frå flaska eller ved hjelp av enkle doseringsmiddel.
Tetningslim
Loctite
Produkta er designa med ein patentert gummiteknologi for å betre styrken og auke kapasiteten til hurtiglimet så som:
- brotstyrke
- skrellstyrke
- sjokk
- slagstyrke
Produkta gir hurtig liming på dei fleste materiale, inkludert:
- metall
- plast
- elastomerer
Dette gjeld også på sure yter og porøse materiale som:
- tre
- papir
- skinn
- tekstil
Prosedyre for montering av pakningar
- Kontroller pakningen. Det skal ikkje vere ”sår” på tetningsflatene.
- Set inn to av boltane 180o overfor kvarandre.
- Heng på testflens og monter pakning.
- Trekk til dei to boltane til du møter vesentleg motstand. Innerdiametrane til flensane skal møte kvarandre.
- Monter dei resterande boltane og trekk dei inntil flensane (ingen boltar skal vere lause).
- No er forbindelsen klar til test.