Dette faget er i betaversjon. Vi fyller på med ressursar fortløpande.
Praktiske arbeidsoppdrag i brønnteknikk
I brønnteknikk får du moglegheita til å øve på ulike arbeidsoppgåver som er vanlege i yrkesutøvinga. Desse oppdraga heng godt saman med teorien i utdanninga.
I dette emnet finn du ulike arbeidsoppdrag til slamlab, boresimulatoren og på verkstaden.
Vi skil mellom trykktesting og lekkasjetesting. Vi jobbar mest med lekkasjetesting, men nokre gonger kan det òg innebere arbeid med høgt trykk. Det er viktig at vi forstår kva risiko det kan føre til dersom vi gjer jobben feil.
Når vi testar røyr, røyrsystem og tankar ved hjelp av trykk, er det alltid risikofylt på grunn av energien som er i trykket. Dersom testen blir utført på feil måte, kan det òg føre til risiko i framtidig bruk av utstyret.
I dette emnet finn du fakta og retningslinjer om arbeid med trykk i røyr og røyrsystem.