Du skal no få lære meir rundt kva elektrisk straum, spenning og resistans er. Korleis verkar elektrisk straum, og korleis blir han målt med måleinstrument? Vi ser òg på batteri og korleis eit enkelt system kan fungere.

Vi kan ikkje sjå straum og spenning og må bruke måleinstrument for å registrere dei. Det finst analoge og digitale måleinstrument. I dag er det nesten berre digitale instrument i bruk, men i enkelte tilfelle vil måling med eit analogt instrument gi eit betre bilete av kva som hender.