I denne oppgåva skal du lage ei fundamentforskaling av trebord og kryssfinerplater. Etter at det er støypt betong i forskalinga, er betongen fundamentet for eit hus. Forskalinga skal rivast og blir brukt på nytt til eit anna fundament.
Oppgåve
Du skal starte med å lage forskalingskassettar viss du ikkje har kassettar. Støyping av betong i forskalinga er ikkje ein del av oppgåva. Det er derfor ikkje sett noko mål på kor høgt fundamentet skal vere. Det er vanleg at eit fundament er ca. 300 mm høgt. Kassettane er dei same som i oppgåva "Lag betongbjelke". Ein av kassettane i kvart indre hjørne må tilpassast for å få riktig lengd og samanføying.
- Lag forskalingskassettar som vist på teikninga.
- Bruk måla frå teikninga og lag ei fundamentforskaling av kassettane.
- Set saman forskalingskassettane med spikar og skruar.
- Lag ei støtte mellom hjørna slik at forskalinga står i lodd.
- Spikr fast stålband under og bord over forskalinga etter kvart.
- Kontroller at alle vinklar er 90 grader ved å måle at diagonalane er like lange.
- Kontroller at forskalinga er «snorrett» ved å bruke snor.
Forskalingskassettar
Forskalingskassettar blir laga av bord og kryssfinerplater. Dei blir sette saman med galvanisert spikar som ikkje rustar. Det er fordi kassettane ikkje skal demonterast som vanleg forskaling.
Teikning av fundament
Hugs at teikninga viser korleis det ferdige fundamentet skal sjå ut. Du må bestemme korleis forskalinga skal sjå ut.
Verktøy
- Måleband/meter
- Gjerdesag
- Hammar
- Batteridrill med bitar
Materiale
- Kryssfinerplater 750 mm x 1500 mm
- Forskalingsbord 30 mm x 98 mm
- Spikrar (kassettar) 55 mm og 75 mm galvanisert
- Stålband
- Forskalingsskruar (montering) 50 mm og 75 mm
- Spikrar (montering) 95 mm blank eller 75 mm dobbelhovud
Sikker jobbanalyse
Arbeidslogg og eigenvurdering
CC BY-SASkrive av Kjell Brørs.
Sist fagleg oppdatert 12.06.2020