Litterær tekst

Goh soeve

  • Innbygg
  • Enkel visning
  • Lytt til tekst
  • Skriv ut

Prïhtjh-giebnie dållesne. Guvvie.

Jaahkenelkien Aanna diktem "Goh soeve" tjaaleme. Aanna reakasovvi jaepien 1924, jïh jaepien 2004 sealadi. Aanna Loektesne byjjeni Maajehjaevrien dunnie bielesne, jïh Gaebpien Gåstan onne-åabpa.

 

Goh soeve

 

Manne dobtem goh soeve
aerneste tjuedtjelem
govni sistie
riehpeneraejkiem
sogkesem
elmeden vøøste!

 

Guktie sån nimhtie
biegke mannem vaalta
lutnjie jih voelkehte
alnadahki bijjelen
vaeriej duakan?

 

Edtjem manne naemhtie
haajpanidh - gaarvanidh
ij gie åadtjoeh daejredh
manne aaj orreme?

 

Vuj dagke gien joem bienje
nøøneldahta
guktie aajhtere båajhkoe
aah - desnie nagkh aaj
saemien aernie!