Albert Jåma diktem «Gusnie mejle?» tjaaleme. Dikte gærjeste «Gorredh gïelem» gaavnedh mij jaepien 2004 trygkesovvi.
Gusnie mejle?
Manne vuertieminie
e-mejlem datneste åadtjodh.
Vuertieminie –
Gusnie lea mejle?
Vïenhtim hov bööti –
båata?????
Datne hov dåajvoehti
munnjien mejlem seedtedh –
jïh manne leam vuertieminie.
Vuertieminie gujht.
Im amma gaavnh!
Ohtsedeminie –
Ohtsedeminie –
abpe webbesne –
ij amma mij gan
gusnie gan!
Gukt’amma nimhtie jis?
Logon name!
Password!
Enter!
«No massage!»
!!!!!!!!!!!!!!!!!!!!!!!!!!!!
???????
Læjhkan biejjieh,
våhkoeh,
askh -
jaepieh dovne,
leam ohtsedeminie
Bïjre jarkan –
gaajhkem lehkiem –
voejhkelem datnem gaavnedh.
Im gujhth ennje gaavneme.
Læjhkan domtoe
ohtsedidh - -
gosse daajram
datne hov dïhte
gïem leam ohtsedeminie - -[1]
CC BY-NC-SAWritten by: Albert Jåma, Aasta Joma Granefjell and Liv Karin Joma. Rightsholder: Fylkesmannen i Nordland
Last revised date 05/31/2018