Gustav Kappfjell diktem «Aejverde» tjaaleme. Dikte lea gærjeste «Gaaltije» mij jaepien 1987 trygkesovvi.
Aejverde
Jaavoelamme jeeluve sijth
Sijti gaskem baalkah suvvielamme leah
Otnerassen duedtie haajpan eajtohte
aernh-sijjieh eah gojkoe vååjnh
Laevie, mejtie mah vuajnah vaeride?
Eatneme barre goh domtoe aejverde
Njiemesjh spaenjieh vååjnoeh giknjeldieh
Vaajjan johke ij gujht aavodh goh
Ammes guejmien faamoe tjuedtjele
Eatnemen vaajmoe baektjede
Durrien johkh jeatjah otnjegem vualkeme
Ruevtiemast barsjine råavtasjieh
Guktie laevie, monnen mænngan tjelmieh vuejnieh
Geajnoeh doeh vaeriegaskem vijtjeldieh
Ammes guejmieh vaerieh vaalmerdieh
Tjoerverh sån tjidtedh gie viesjebe lea.[1]
CC BY-NC-SAWritten by: Gustav Kappfjell. Rightsholder: Dat os
Last revised date 11/06/2018