Goh soeve
Jaahkenelkien Aanna diktem «Goh soeve» tjaaleme. Aanna reakasovvi jaepien 1924, jïh jaepien 2004 sealadi. Aanna Loektesne byjjeni Maajehjaevrien dunnie bielesne, jïh Gaebpien Gåsta lea Aannan stoerre-vïelle.
![Prïhtjh-giebnie dållesne. Guvvie.](https://api.ndla.no/image-api/raw/dolle.jpg?width=1024)
Bilde: Marit M. Fjellheim / CC BY-SA
Goh soeve
Manne dobtem goh soeve
aerneste tjuedtjelem
govni sistie
riehpeneraejkiem
sogkesem
elmeden vøøste!
Guktie sån nimhtie
biegke mannem vaalta
lutnjie jih voelkehte
alnadahki bijjelen
vaeriej duakan?
Edtjem manne naemhtie
haajpanidh - gaarvanidh
ij gie åadtjoeh daejredh
manne aaj orreme?
Vuj dagke gien joem bienje
njøøneldahta
guktie aajhtere båajhkoe
aah - desnie nagkh aaj
saemien aernie!
Relatert innhold
CC BY-NC-SASkrevet av Jaahkenelkien Aanna.
Sist faglig oppdatert 23.11.2018