Fïerhten biejjien mijjieh tjaalegh lohkebe, jïh jeenemes aamhtese-tjaalegh. Dellie lohkebe mij heannede veartanisnie gusnie jielebe. Aamhtese-tjaalegh leah tjaalegh goh tjåanghkoe-referaath, prievieh, kååserijh, esseyh, faage-tjaalegh, lohkije-tjaalegh j.n.v.

Daennie teemesne edtjebe aamhtese-tjaalegh goerehtidh. Datne åadtjoeh lïeredh ovmessie aamhtese-tjaalegi bïjre, jïh aaj guktie jïjtje maahtah aamhtese-tjaalegh tjaeledh.