Gïele lea tjoejh, baakoeh jïh raajesh mah ektesne veadtaldihkie juktie almetjh maehtieh soptsestalledh, guarkadidh jïh mïelem buektiehtidh. Gïele lea grammatihkeles njoelkedassi mietie bigkeme, mah jorkesieh tïjjen mietie. Gïelen gellie dïrregh, juktie mijjieh maehtebe jiehtedh maam sïjhtebe.

Fïerhten aejkien gosse datne edtjh maam akt jiehtedh, soptsestidh jallh tjaeledh, dellie tjoerh veeljedh guktie edtjh dam darjodh. Gïele gellie nuepieh dutnjien vadta jïh datne maahtah gïelem vierhkie-vierhtine nuhtjedh.