Guktie raajesh bigkedh
Gaajhkh baakoeh leah raajese-lïhtide gårreldahkesne goh subjekte, verbaale, objekte jïh adverbijaale, v.g.:
Subjekte | Objekte | Verbaale |
---|---|---|
Baernie | gærjam | låhka. |
Fïerhten gïelen leah joekehts vuekieh guktie raajesh bigkedh. Åarjelsaemien-gïelen nøytraale raajese-bigkeme lea SOV, gusnie S lea raajesen subjekte, O raajesen objekte jïh V raajesen verbaale. Dan åvteste jiehtebe åarjel-saemien lea SOV-gïele, juktie verbe minngemes sæjjan båata.
S | O | V |
---|---|---|
Baernie | gærjam | låhka. |
Jis guhkebe raajese adverbijaaligujmie (Adv.), dellie gellien aejkien dah adverbijaalh maehtieh joekehts sijjide båetedh raajesisnie, v.g.:
Subjekte | Objekte | Verbaale | Adverbiaale |
---|---|---|---|
Baernie | gærjam | låhka | daan biejjien. |
Mujhtieh! Syntakse lea raajese-learoe mij soptseste guktie edtjebe raajesh bigkedh.
Grammatihke-baakoeh
Saemien | Daaroen |
---|---|
fraase | frase (gruppe av ord) |
åejvie-baakoe | hovedord |
bijjie-lïhtse | overledd |
nuelie-lïhtse | underledd |
raajese-lïhtse | setningsledd |
ryöktesth objekte | direkte objekt |
ov-ryöktesth objekte | indirekte objekt |
sijjie-adverbijaale | stedsadverbial |
tïjje-adverbijaale | tidsadverbial |
vuekie-adverbijaale | måtesadverbial |
åejvie-raajese | hovedsetning |
lïhtse-raajese | leddsetning |
soptsestimmes-raajese | fortellende setning |
nyöjhkeme soptsestimmes-raajese | nektende fortellende setning |
gihtjeme-raajese | spørresetning |
nyöjhkeme gihtjeme-raajese | nektende spørresetning |
stilleme-raajese | imperativsetning |
nyöjhkeme stilleme-raajese | nektende imperativsetning |
CC BY-SADán lea/leat čállán Marit M. Fjellheim.
Maŋemusat ođastuvvon 05/13/2020