Okta teoriija lea luonddudiehtagis vuođđočielggadus man ektui buori muddui lea ovttaoaivilvuohta. Áicamiid vuođul ráhkadit dutkkit hypotesaid maid áigot testet. Hypotesat leat kvalifiserejuvvon árvádallamat dahje jáhkut. Dasto čađahit geahččaladdmiid čájehan dihte lea go hypotesa boastut. Dan mii gohčodit hypotesa falsifiseremin. Jus dutki ii nagot falsifiseret hypotesa, de sáhttá hypotesa leat riekta.
Rusttegat
Gihtta, muhtin diŋga man birra it dieđe, gođđinsággi dahje njulgejuvvon binders.
Bargovuohki
Juohke olmmoš dahje joavku oažžu gihttačoalttu man siste lea diŋga man birra eai dieđe maidege.
Dii galgabehtet gávnnahit mii gihta siste lea, dainna lágiin ahte čuoggubehtet juogalágan sákkiin gihttačoltui.
Álggus galgabehtet geahččalit ráhkadit hypotesa (árvádallama) mii čoalttu siste sáhttá leat dušše oaidnima vuođul.
Go viđa geardde lehpet čuggon čoalttu, de ráhkadehpet ođđa hypotesa das maid jáhkkibehtet čoalttu siste leat (dahje bisuhit ovddeš hypotesa jus ain orru jáhkihahtti).
De galgabehtet čuoggut čoalttu vel viđa geardde ja ráhkadit ođđa hypotesa.
Gearddut dán juohke viđat čuogguma maŋŋá dassái go oktiibuot 25 geardde lehpet čuggon.
Maŋemus hypotesa lea loahpalaš hypotesa.
Rahpet dasto čoalttu ja digaštallet mo sisdoallu doalai deaivása hypotesain.
Fuomáš
Sárggo tevnnega čoalttus ja merke báhpirii gokko čoalttu čuoggubehtet háves hávvái. Geahččalehket ráhkadit tevnnega das mii čoalttu siste lea merkestemiid vuođul.
