Forsøk
Geahččaladdan: Monosakkariiddaid čájehit
Dán geahččaladdamis geavahehpet Fehlinga golgosa indikahtoriin čájehan dihte leat go mas nu monosakkariiddat.
Govva: Jan Tomas Espedal / CC BY-NC-SA 4.0
Čájehit mo mii kemihkalaš vuogi mielde sáhttit gávdnat monosakkariid.
Fehlinga golggus lea sevdnjesalit luvus mas rievdá ivdni ruoksadii go dan ligge oktan monosakkariiiddain, ja disakkariiddaiguin mielkesohkar (laktosa) ja máltasohkar (maltosa). Ivdni bissu alidin jus ligge dan sukrosain. Jus eat váldde mielde mielkesohkkara ja máltasohkkara, de sáhttit Fehlinga golgosiin čájehit lea go mas nu glukosa ja fruktosa, mat leat monosakkariiiddat.
- Bija deadjabastte glukosa, fruktosa ja sukrosa golmma iešguđet seassobohccái.
- Geavat merkenliibmabáttii ja tušša merket seassobohcciid vai dieđát mii lea guđege bohccis.
- Lasit moadde millilihttara čázi guđege seassobohccái ja šluvgge bures. Loahpas lasihat 1 mL Fehlinga golgosa guđege seassobohccái.
- Cegge buot golbma seassobohcci lieggačáhcái mii lea vuoššanpláhta alde. Reakšuvdna manná jođáneappot alla temperatuvrras.
- Boahtá leat erohus dan golmma seassobohccis. Ovdal go bijaimet lieggačáhcái, de lei buot golbmasis sevdnjesalit ivdni Fehlinga golgosa geažil. Maŋŋil go bohccit leat orron lieggačázis moadde minuhta, de rievdá ivdni. Čális makkár rievdadusaid oidnet.