Máŋggabealat biebmodoallu

Unnivuođa rájes juo, leat gullan ahte dearvvašlaš biebmodoallu mielddisbuktá borrat máŋggabealat borramuša, muhto maid mearkkaša dat ja manne dat lea nu dehálaš?

Denne sida er arkivert. Innholdet kan være utdatert.

Golbma nieiddaža veallájit giettis dan botta go dollet čuhppon šaddosiid čálmmiid ovddabealde. Govva.

Máŋggabealat biebmodoallu addá biebmoávdnasiid maid dárbbahat

Leat ovdal oahppan iešguđet biebmoávdnasiid birra ja manne dat leat nu dehálaččat vai gorut doaibmá nu go galgá. Buot borramušgálvvut sisttisdollet muhtin biebmoávdnasiid ja muhtin biebmoávdnasat ges váilot. Máŋggabealat biebmodoalu bokte oaččut buot biebmoávdnasiid maid dárbbahat. Dainna lágiin sáhtát bisuhit buori healssu ja seammás unnidit vára dávddaid oažžumis.

Eiseválddiid borramušrávvagat

Eiseválddiid borramušrávvagiid mielde leat máŋggabealat biebmodoalus ollu ruotnasat, šattut ja muorjjit, roavva gordnebuktagat ja guolli. Rávvejuvvot maid garvit gieđahallojuvvon biergobuktagiid, sáltti ja sohkkara iežamet biebmodoalus.

Borramušrávvagat

Bora máŋggabealat borramuša.
Doalat buori dássádaga das man ollu energiija oaččut borramuša ja juhkosa bokte, ja man ollu energiija golahat aktivitehta bokte.
Bora ruotnasiid, šattuid ja murjjiid unnimusat viđa geardde beaivái.
Bora roavva gordnebuktagiid juohke beaivvi.
Bora guoli gaskabeaivin guovtte golmma geardde vahkkui.
Unnit biergoborrama.
Divtte vuojahis mielkebuktagiid leat oassin beaivválaš biebmodoalus.
Vállje biebmooljjuid, golgi margariinna ja dipma margariinna ovdalii garra margariinna ja gusavuoja.
Vállje borramušgálvvuid main lea unnán sálti, ja unnit sáltti geavaheamis biebmoráhkadeamis ja borramuša alde.
Garvve borramuša ja juhkamuša mas lea ollu sohkar beaivválaččat.
Vállje čázi juhkat goikui.
Leage fysalaččat aktiiva unnimusat 30 minuhta juohke beaivvi.

Gáldut

Helsedirektoratet. (2016, 24. oktober). Kostrådene. Hentet 28. april 2020 fra https://www.helsedirektoratet.no/faglige-rad/kostradene-og-naeringsstoffer/kostrad-for-befolkningen