Fagstoff
Guvvie-raajroej bïjre
Guvvie-raajroe akte sjangere gusnie dovne guvvieh jïh teekstem nuhtjebe juktie vaajesem soptsestidh. Naan gille guvvie-raajroeh gååvnesieh gusnie ajve guvvieh.
Guvvie-raajroe
Guvvie-raajroe lea jïjtjemse evtiedamme jeatjah medije-sjangerigujmie goh filme jïh TV. Nöörjesne jienebh åehpies jïh væjkeles seerije-sjugniedæjjah utnebe, mah aaj åadtjoeh sijjen guvvie-raajroeh ålkoe-laantesne bæjhkoehtidh. Frode Øverli (Pondus) jïh Lise Myhre (Nemi) leah göökte dejstie. Mijjieh aaj seerije-sjugniedæjjah utnebe mah saemien byjrehkistie guvviedieh goh Ronardo j.n.v.
Viehkie-vierhtieh
Datne maahtah daejtie viehkie-vierhtiej bïjre lohkedh mah guvvie-raajrojne nuhtjeme:
- Ruvtah
- Boblah jïh effekte-tjoejh
- Guvvie-biehkie
- Guvvie-haerie
- Subjektijve guvvie
- Åvte jïh duekie
- Stuerebh baakoeh