Raajese-bigkemen bïjre
Raajese-bigkeme
Raajesi leah fraash. Dah grammatihkeles funksjovnh, goh subjekte, ryöktesth objekte, ov-ryöktesth objekte, verbaale jïh adverbijaalh.
Fraase lea baakoe, jallh baakoeh, raajesisnie, v.g.:
Subjekte (S) | Objekte (O) | Verbaale (V) |
|---|---|---|
| Baernie | gærjam | låhka. |
Åarjelsaemien-gïelen nöytraale raajese-bigkeme lea SOV, gusnie S lea raajesen subjekte, O raajesen objekte jïh V raajesen verbaale. Åarjel-saemien lea SOV-gïele, dan åvteste verbe minngemes sæjjan båata.
Jis guhkebe raajese adverbijaaligujmie (ADV), dellie dah adverbijaalh maehtieh joekehts sijjide båetedh raajesisnie, v.g.:
Subjekte (S) | Objekte (O) | Verbaale (V) | Adverbijaale (ADV) |
|---|---|---|---|
| Baernie | gærjam | låhka | daan biejjien. |
Adverbijaale (ADV) | Subjekte (S) | Objekte (O) | Verbaale (V) |
|---|---|---|---|
| Daan biejjien | baernie | gærjam | låhka. |
Gååvnesieh aaj nominaale raajesh, raajesh gusnie ij naan verbaale, v.g.:
Subjekte (S) | Predikatijve (PRED) |
|---|---|
| Dïhte | gåetesne. |
Gosse teemine barkedh dellie terminologijem daarpesjibie raajese-bigkemen bïjre.