Adjektijvh adjektijvijste jïh verbijste

Daelie edtjh lïeredh guktie adjektijvh adjektijvijste seerkedh jïh guktie adjektijvh verbijste seerkedh.

Adjektijvh mah adjektijvijste seerkesuvvieh

Vuartesjh tabellem jïh darjoeh laavenjasside.

adjektijvh adjektijvijste
Seerkeme-gietjieh	Seerkeme-adjektijvh	Maadth-baakoeh	Buerkiestimmieh
–be, –bpoe	nuerebe båarasåbpoe	noere båeries	adjektijvi komparatijve-hammoeh
–mes, –mmes	nööremes båarasommes	noere båeries	adjektijvi superlatijve-hammoeh

Buerkesth daejtie seerkeme-baakojde.

Tjaelieh raajesem fïerhten baakose 1–6.

Tjaelieh seerkeme-adjektijvide daejstie adjektijvijste.

Vuartesjh tabellem jïh darjoeh laavenjasside.

adjektijvh verbijste
Seerkeme-gietjieh	Seerkeme-adjektijvh	Maadth-baakoeh	Buerkiestimmieh
–htje	maehtehtje	maehtedh	almetjem buerkeste mij maam joem joekoen hijvenlaakan maahta
–dihks, –ihks	bealhkadihks	bielhkedh	almetjem buerkeste mij dan iktegisth bielhkieminie
–les	håhteles	huhtedh	bïenjem buerkeste mij dan iktegisth huhtieminie
attr. –les, pred. –le	sjiehteles, sjiehtele	sjïehtedh	maam akt buerkeste mij hijven sjeahta
attr. –hks, pred. –hke	åerehks	åeredh	almetjem jallh juvrem buerkeste mij jïjnjem åara
–ldihkie/ –dahkesne	gåårveldihkie, gåårveldahkesne	gåårvedidh	almetjem buerkeste mij vaarjojde tsaakeme
–mes, –mmes	voessjemes	voessjedh	beapmoem buerkeste maam galka voessjedh
–jes/–js	bualijes, bualijs	bueledh	maam akt buerkeste mij hijvenlaakan buala
–s	sæjloes	sæjlodh	almetjem buerkeste jallh juvrem mij syjleme

Buerkesth daejtie seerkeme-baakojde.

Tjaelieh raajesem fïerhten baakose 1–10.

Mah adjektijvh gaavnh mah daejstie verbijste seerkesovveme. Ohtsedh baakoe-gærjesne.

Buerkesth seerkeme-adjektijvide mejtie gaavnh.

Magga, O. H. & Magga, L. Mattsson (2012). Sørsamisk grammatikk. Davvi Girji. S. 123–130.