Fagstoff
Sjïeledimmie
Julia Axmann, Gåebrien sïjteste, soptseste guktie saemieh sjïeledin.
Sjïeledimmie
Gosse rudtjeste praadest sjidtieh, jallh jeatjh-leejne fiejlien, dellie gelkieh sjïeledidh. Dellie reagkam staeliem jallh sïlpe-beetnegem. Galka biejjien vuestie tjöödtjestidh jïh seedtedh jallese.
Åvtesne aaj provhkin, gosse orre mahkan båetieh, dellie gelkieh laantem sjïeledidh guktie gelkieh læhkoem utnedh. Dïhte sjïele galka årrodh sïlpe-laave; gosse ij dam utnieh, dellie sïlpe-beetnegem, jïh muvhth gulhkem. Jïh die galka tjåadtjodh biejjien vuestie jïh båastolen seedtedh dam sjïelem.
J.A. 1941