Saejrieh jïh verteme

Laavenjassh teekstide:

• Ånnetji saejrieh jïh vertemen bïjre

• Nihpere

• Garre verteme

1. laavenjasse

Tjaelieh åenehks teekstem tjaelijen bïjre. Ohtsedh bïevnesh jïh guvviem gaske-viermesne.

2. laavenjasse

1. Guktie saemieh aerebi nihperem darjoejin? Buerkesth.
2. Man åvteste vïenhth saemieh provhkin nihpierdidh? Ohtsedh vielie bïevnesh gaske-viermesne nihpierdimmien bïjre.

3. Tjaelieh åenehks teekstem gusnie buerkesth man åvteste almetjh aerebi nihpierdin.

4. Gåessie vïenhth almetjh orrijin nihpierdidh?

3. laavenjasse

1. Jonar Thomasson soptseste maam aahkebe darjoeji gosse lij soermem tjoehpedamme. Maam daarjoeji? Buerkesth jïjtjedh baakoejgujmie.

2. Jonar Thomasson soptseste aaj maam saemieh darjoejin gosse saejrie garre varta. Buerkesth jïjtjedh baakoejgujmie maam dellie darjoejin.

3. Maam datne lïereme darjodh gosse tjoehpedamme? Soptsesth.

4. laavenjasse

1. Man åvteste daagkerh teeksth vihkeles mijjese, dov mïelen mietie?

2. Mij lea aerpievuekie-daajroen sijjie daaletjen seabradahkesne. Tjaelieh ussjedihks teekstem daan bïjre.