Fïerhtenbeajjetje daarpoeh

1. Maam Aanta åasta?

• Daan biejjien Aanta beapmoe-bovrese vaadtsa, edtja beapmoeh åestedh.

  • Mah beapmoeh åasta?

• Aanta njaalkadahken mietie aaj.

  • Mah njaalkadahkh åasta?

2. Ryöknh jïh vaestedh

• Bensijne-stasjovnesne njaalkadahkh, beapmoeh jïh jovkemesh naa dovrehke. Beapmoe-bovresne aelpebe åestedh.

• Bensijne-stasjovnesne njaalkadahki åvteste 172 kråvnah, beapmoe-bovresne 95 kråvnah.

• Man aelpebe bovresne dejtie njaalkadahkide åestedh?

3. Lohkh jïh vaestedh

Hijven abpe våhkose beapmoeh åestedh. Dellie aelhkebe soejkesjidh maam jurjiehtidh jïh byöpmedidh.

Jis fïerhten biejjien beapmoe-bovresne mïnnh gosse bårrestovveminie, dellie maahta jïjnjem åestedh maam ih daarpesjh.

Kaanne aaj jïjnjh njaalkadahkh åastah mij dovrehke jïh ij dan hijven byöpmedidh.

Vaestedh

1. Man åvteste hijven abpe våhkose beapmoeh åestedh?

2. Man åvteste hijven fïerhten biejjien beapmoeh åestedh?

4. Tjaelieh

Tjaelieh åesteme-læstoem abpe våhkose! Man dovrehke sjædta, datne vïenhth?

5. Lohkh jïh ussjedh

Aanta kantijnesne beapmoem åasta

Gellien aejkien Aanta skuvlen kantijnesne beapmoem åasta, desnie joekoen njaelkies beapmoe Aanta tuhtjie. Beapmoen bealese bruvsem aaj åasta. Ij maehtieh dam fïerhten biejjien åestedh juktie dellie dovrehke sjædta.

Vaestedh

1. Man åvteste hijven beapmoeh skuvle-kantijnesne åestedh?

2. Man åvteste hijven niesties-beapmoem skuvlese meatan vaeltedh?

Aanta beapmoem jurjehte

Daelie Aanta aalkeme beapmoeh jurjiehtidh gåetie-luhpesne mahte fïerhten biejjien. Stoere krovhtesne beapmoem vuassja jïh jueskiedahkese jallh gilmehtahkese dam beapmoem beaja. Sjïehteles åesieh destie juaka juktie fïerhten biejjien beapmoem åtna. Aelpebe sjædta jïjtje beapmoem jurjiehtidh, jïh njaelkebe aaj, Aanta tuhtjie.

Vaestedh

1. Man åvteste hijven jïjtje beapmoeh jurjiehtidh?

2. Man åvteste hijven gaervies beapmoeh åestedh?

Aanta gaervies beapmoem åasta

Muvhten aejkien Aanta hamburgerem jallh pizzam åasta gaskebiejjie-beapmose. Dan mïelen meitie aelhkie gaervies beapmoem åestedh, jïh njaelkie aaj.

Vaestedh

1. Man åvteste hijven gaervies beapmoeh åestedh?

2. Man åvteste ij leah hijven gaervies beapmoeh åestedh?

Aellieh beapmoeh sleerh

Gosse Aanta beapmoeh åasta jïh jïjtje jurjehte, dellie tjuara ussjedidh jïh soejkesjidh. Ij edtjh dan jïjnjh beapmoeh åestedh jïh jurjiehtidh juktie tjuara beapmoeh sleeredh.

Vaestedh

1. Man åvteste ij edtjh beapmoeh sleeredh?

2. Man åvteste muvhten aejkien tjuara beapmoeh sleeredh?