2. Tsagkh voessem
Daelie lïerh
ussjedidh jïh soptsestidh
maam daarpesjh meatan vaeltedh
voessem tsagkedh
post-posisjovnh; sïjse, sisnie, sistie
1. Goltelh jïh orresth
Tsagkh voessem
Tekstversjon
− Gusnie mov guksie?
− Dagke voessen sïjse tsagkeme.
− Ijje, ij dïhte voessen sisnie.
− Åå, jååktan manne voessen sistie veeltim.
− Gusnie mov guksie?
− Dagke voessen sïjse tsagkeme.
− Ijje, ij dïhte voessen sisnie.
− Åå, jååktan manne voessen sistie veeltim.
2. Darjoeh laavenjasside
3. Goltelh jïh orresth
Mah dov voessen sisnie?
Tekstversjon
– Datne riejries vuelkedh?
– Nov leam, voessem joe tsagkeme. Naa lyövlehke sjïdti.
– Mah dov voessen sisnie?
– Mov leah prïhtjh-voesse, prïhtjh-giebnie, guksie jïh dïjnehkh.
– Dov beapmoeh aaj?
– Jaavoe, mov leah gejhkie-bearkoe, laejpie, voeje, vuasta jïh gaamhpa.
– Dov aaj nejpie?
– Jaa, nejpiem åtnam beelhtesne gævnjan.
– Dov nuekies vaarjoeh?
– Mov ålloe-tråajja, ålloe-måvhka, guapah jïh ebrie-vaarjoeh.
– Datne såarah aaj måjhtajamme?
– Nov hævvi, mov voessesne iktegisth såarah.
– Mujhtieh tjohpem aaj meatan vaeltedh.
4. Tjaelieh
Tjaelieh luhkie aath/beapmoeh/vaarjoeh mah voessen sisnie.
Viehkie
– Datne såarah aaj måjhtajamme?
– Nov hævvi, mov voessesne iktegisth såarah.
5. Darjoeh laavenjasside
6. Ussjedh jïh tjaelieh
Datne edtjh gåabph-joem mïnnedh. Maam edtjh desnie darjodh? Maam daarpesjh meatan vaeltedh? Tjaelieh maam voessen sïjse tsagkh.