I denne delen av faget skal vi sjå på korleis religion påverkar og blir påverka av politikk, medium og populærkultur. Vi skal òg sjå døme på korleis religion har vore ein del av endringsprosessar opp igjennom historia.

Korleis religion blir framstilt i media, er med på å forme forståinga vår av religion i dag. Her skal vi sjå på korleis media framstiller ulike religionar, korleis truande kan oppleve denne framstillinga, og korleis religionar kan bruke somme medium til å fremje bodskapane sine.