I etikken reflekterer vi over korleis vi bør handle, og korleis vi burde leve. I dette emnet finn du ei beskriving av kva etikk er og ei innføring i viktige etiske omgrep og modellar. I tillegg får du fagstoff om ulike etiske problemstillingar du kan utforske og drøfte.

Alle samfunn er bygd på ein moral. Moralen seier noko om korleis vi bør handle, og kva som er rett og gale og godt og vondt i samfunnet. I etikken reflekterer vi over moralen. Kvifor er noko rett eller gale eller godt og vondt? Kva normer, verdiar og haldningar er rette eller galne?