Oppgave
Definer rasisme
Er det mogleg å lage ein dekkjande definisjon av kva rasisme er?
Å lage gode og presise definisjonar kan vere vanskeleg. Sjå videoen under før de byrjar.
Video: Klipp og lim / CC BY-SA 4.0
Set dykk i grupper på 3–4 elevar rundt eit bord. Alle får utdelt lappar til å skrive på.
Kva må vere med i ein definisjon på rasisme? Skriv minst tre punkt på ulike lappar.
- Legg lappane fram på bordet og presenter punkta.
- Handlar nokon av lappane om det same?
- Er det nokon punkt de er ueinige om?
- Samle dei tre lappane som de meiner er viktigast på midten av bordet.
- Formuler ein definisjon der de bruker dei tre punkta de blei einige om.
Var det noko som var spesielt vanskeleg med å definere rasisme? Var det noko som skapte ueinigheit? Kva kan vere årsaka til det? Del erfaringar og tankar i plenum.
Denne oppgåva er basert på undervisningsopplegget "Hverdagsrasisme?" på Demokratisk beredskap mot rasisme og antisemittisme.