I dette emnet skal du få bli med på ei spennande reise innom celler, arvestoff, evolusjon og bioteknologi. Her kan du la deg fascinere av dei mikroskopiske bestanddelane som kontrollerer livsviktige prosessar og har svært stor betydning for liva våre.

Evolusjon handlar om korleis livet har utvikla seg på jorda, frå dei første eincella organismane til eit stort mangfald av arter med ulike tilpassingar. Evolusjonen handlar både om korleis den genetiske samansetjinga innan ein populasjon endrar seg, og om korleis nye slekter og arter oppstår.