Hopp til innhald

Case innan:Berekraftig utvikling

Sirkulær økonomi

Vi må bort frå eit bruk-og-kast-samfunn og gå over til ein sirkulær økonomi. I dette undervisningsopplegget skal du lære meir om kva sirkulær økonomi er, og korleis samfunnet må omstille seg. Kanskje klarer du å komme opp med nokre nye løysingar for framtida?
Piler organisert i ein sirkel, som illustrerer sirkulær økonomi. Illustrasjon.
Sirkulær økonomi. Bilete: Lars Drage, Arne Mjelde Sæther / CC BY-SA 4.0

Skap og lær

Gjennom dette undervisningsopplegget skal du lære nokre fagomgrep knytt til sirkulær økonomi og forstå kva dei betyr. Vi håper samtidig at du får øve deg i å bruke fagomgrepa saman med dei kreative evnene dine for å skape nokre nye, gode løysingar for framtida.

Ulike læringsressursar

I oversikta over læringsressursar under finn de læringsstiar, fagstoff og oppgåver. I læringsstiane har vi laga forslag til organisering av stoffet. Det går også an å plukke ut og bruke dei ressursane de sjølv ønsker.

Aktuelle fag

Ressursane passar i mange fag, mellom anna i norsk, geografi, samfunnskunnskap og naturfag. I tillegg vil dette innhaldet vere relevant for alle yrkesfaglege retningar som skaper noko. Det er nemleg sannsynleg at overgangen til ein sirkulær økonomi vil påverke desse yrka i dei kommande åra.