Hopp til innhald
Oppgåve

Truar kanselleringskultur ytringsfridommen?

I denne oppgåva skal de sjå nærare på korleis cancel culture, eller kanselleringskultur, kan vere eit demokratisk problem og ei utfordring for ytringsfridommen.
Kvinne slår mann med knyttneven gjennom eit papirark. Illustrasjon.
Cancel culture og woke kan føre til sterke reaksjonar. Kjenner du til nokon døme på at kjende personar har har blitt kansellerte? Bilete: Shutterstock / CC BY-NC-SA 4.0

Før du gjer desse oppgåvene, bør du ha lese artikkelen "Kanselleringskultur".

Oppgåve 1

Finn eit døme på ein offentleg person i Noreg eller utlandet som hevdar å ha blitt utsett for kanselleringskultur.

  1. Diskuter om denne personen burde få lov til å fremje dei meiningane hen har ytra?

  2. Har kanselleringskultur ført til at det har blitt vanskelegare å debattere problem som rasisme og diskriminering?

  3. Har det blitt for lett å skylde andre for å drive med kanselleringskultur i staden for å argumentere mot kritikken vi får?

Oppgåve 2

Diskuter påstandane nedanfor gruppevis. Samanfatt i plenum:

  1. Kanselleringskultur er ikkje eit problem i Noreg.

  2. Det er ikkje mogleg å seie det du eigentleg meiner fordi samfunnet har blitt for oppteke av kva som er politisk korrekt.

  3. Det er viktigare å uttrykkje seg slik at ingen blir såra enn å seie kva vi eigentleg meiner.

  4. Vi har i dag blitt for opptekne av å bli "krenkte" på vegner av alle.

  5. Kanselleringskultur er eit demokratisk problem fordi mange ikkje tør å delta i den offentlege debatten.

  6. Kanselleringskultur er ein trussel mot ytringsfridommen.

Geriljabroderi med teksten: "Har du husket å føle deg krenket i dag?" Foto.
På kva måte kan denne teksten tolkast som kritikk av kanselleringskultur i Noreg? Bilete: Tove Gustafsson / CC BY-SA 4.0

Relatert innhald

Fagstoff
Cancel Culture

Article explaining the phenomena of cancel culture.