Digitalt spel: Bad News
Falske nyheiter og desinformasjon er ei stor utfordring i dagens samfunn. For å avsløre falske nyheiter er det viktig med kritisk tenking og identifikasjon av typiske teknikkar som blir brukte for å spreie usanningar på internett.
I spelet Bad News skal du ikkje ta omsyn til sanning, etikk og fakta. I spelet skal du skape falske nyheiter, spreie desse og gjere kva som helst for å få flest følgarar. Det betyr at du kan provosere, lyge, skremme og jukse for å oppnå målet ditt. Du skal bruke og bli kjend med teknikkar som blir brukte i verkelegheita for å spreie falske nyheiter. Slik vil du bli betre utrusta til å kjenne igjen falske nyheiter på sosiale medium og på internett.
Spel Bad News på getbadnews.com.
Kva trur du motiverer folk til å skape og spreie falske nyheiter?
Lag din eigen falske nyheter-historie (ikkje meir enn 300 ord). Bruk minst tre teknikkar baserte på badges frå spelet for å gjere historia di klikkverdig. Forklar kvifor du valde nettopp desse teknikkane.
Kva har du lært etter å ha spelt Bad News og jobba med oppgåvene?
Til slutt – samanfatt i plenum.
DROG, 2017. Bad News. https://www.getbadnews.com/#intro